Sheila
"Ako na ang maghuhuga--"
"Ako na." Kaagad ko nang inagaw mula sa kamay niya ang sponge matapos niya itong kunin sa lagayan.
"You still have a wound--"
"Magsusuot ako ng gloves." Kaagad kong kinuha ang mga gloves mula sa pagkakasabit nila dito lang sa itaas ng lababo. Isinabit ko lang sila kanina para matuyo kaagad.
Kaagad ko ang mga itong isinuot sa mga kamay ko. Hindi naman p'wedeng siya na ang nagluto ng pagkain namin ay siya pa rin ang maghuhugas. Gawain ko na ang pagsilbihan siya noon pa man kahit may bukod siyang apartment at kami naman ni Lola ay may barong-barong.
May duplicate naman kasi ako ng susi ng apartment niya na sadya niyang ibinigay sa akin noon. Kapag nasa trabaho siya sa welding shop ay malaya akong nakakapasok sa loob niyon para maglinis.
Ipinagluluto ko r
