Sheila
Naging abala na si Darell sa loob ng kusina. Ako naman ay hindi na nakaalis mula sa pagkakasandal ko sa sofa dahil tulog na tulog na ang anak namin.
Nabitawan na niya ang dede niyang wala nang laman. Ipinatong ko na lang ito sa tabi ko.
Alas sais na ng hapon. Mabuti na lang at marami siyang nakain na pancake kanina, sinamahan pa ng gatas kaya busog na busog na siya. Siguradong bukas na siya magigising nito.
Hinayaan ko na lang muna siyang matulog sa ibabaw ko. Muli kong kinuha ang phone at tinitigan ang mga numero doon ng malanding babaeng 'yon.
Sinubukan ko ito muling tawagan ngunit out of coverage na talaga siya. Pero sigurado akong hindi pa rin siya hihinto. Tatawag at tatawag ka ulit sa akin para guluhin kami. Hindi mo siguro matanggap na bumalik kami sa buhay ni Darell
