Tahimik ang flowershop.
Maayos ang lahat—nakahanay ang mga bulaklak, naka-arrange ang mga orders. Pero ako… tila wala sa sarili.
“Ma’am Shiloh?” Narinig ko si Rica, pero parang malayo.
“Hmm?” sagot ko, na hindi lumilingon. At hindi inaalis ang tingin ko sa hangin.
“May delivery po—” sabi niya, pero hindi ko na nasundan.
Kasi bumalik na naman sa isip ko yung bata.
Yung maliit na kamay niya na mahigpit na kumapit sa’kin. Yung mga mata niya, para bang may pananabik at parang may gustong sabihin.
“Hey… nasaan si mommy mo?”
Muling bumalik sa isip ko ang tanong na yun sa bata. Pero hindi siya sumagot.
Tumingin lang siya sa’kin.At yung tingin na ‘yon, hanggang ngayon, hindi ko maalis.
Parang may hinaplos sa loob ko na hindi ko malaman kung sasaya o malulunhkot ako.
“Ma’am?” si Ric
