Hindi alam ni Creza kung paano siya kikilos. Bumabalik na naman ang pakiramdam niya kanina umaga. Isa pang kinababahala niya ay kinabahan siya bigla. Iba ang nararamdaman niya sa presensya nito ngayon.
Bumuntong hininga siya at sinulyapan ang boyfriend at si Kyle na nag-uusap sa sala.
Nag uusap ang dalawa sa sala habang siya naman ay naghahanap ng mga pagkakaabalahan. Nagsimula siya sa kusina at nagligpit ng kung anong maililigpit niya. Inayos niya ang mga plato nila.
Sinulyapan niya ulit ang magkakaibigang nag-uusap. Hindi pa rin tapos ang mga ito.
Huminga siya nang malalim at tinapos na lang ang ginagawa. Nailigpit na rin niya ang mga pinagkainan nila ng snacks ni Shan.
Ipinagkuros niya ang mga braso. Hindi niya maitago ang inis kay Kyle. Paano ay napurnada na naman ang date sa
