"Mukha mo nakasimangot na naman."
Isang buntong hininga ang pinakawalan ni Creza. Tamad niyang tiningnan si Kyle na nakaupo sa kanyang tapat. Pumangalumbaba siya rito.
Tinaasan siya ng kilay ni Kyle.
"What?" tanong ulit nito.
Bumuga siya ng hininga.
"Wala. Nag-iisip lang."
"Tungkol sa?"
Nagkibit- balikat siya. "Sa sitwasyon namin ni Shan?"
Agad na kumunot ang noo ni Kyle. Umayos ito ng upo at ipinag-krus ang dalawang braso.
"Why? What happened?"
"Wala. Si Shan lang. Ewan akala ko ready ako sa ganitong sitwasyon. Naninibago lang siguro ako." Bumuga ulit siya ng hininga.
Tiningnan niya si Kyle. Nakataas ang kilay nito sa kanya at nakasandal na sa upuan.
"Why? Did he do something?" tanong nito.
Ngumuso lang siya rito."Wala naman. Parang ang laki lang ng nagbago?"
Kum
