"Good morning, sist! How's life?"
Isang buntong-hininga lang ang isinagot ni Creza kay Jane.
Sumimangot ang kanyang kaibigan. " Ay mukhang Stress Drilon ang lola natin, a," dagdag pa nito.
Umiling lang si Creza at saka napahilot sa kanyang sentido. It's her first day back to work at kahit na expected na naman niyang matatambakan siya ay na-overwhelm pa rin siya sa sobrang dami ng kanyang tatapusin. Mabuti na nga slang at may mga mababait siyang katrabahong tinutulungan siya pag wala ng ginagawa ang mga ito. Sandamakmak na paper works pa ang kanyang pipirmahan para maipasa na sa executive. Ayaw na ayaw pa naman ng boss nila ng late. Binigyan na nga siya ng extension, mali-late pa siya.
Bumuntong-hininga siya at binalingan si Jane. "Sumasakit na nga ang ulo ko, e," sagot niya rito.
