Hindi alam ni Creza kung ilang oras siya sa banyo. Basta hindi siya lumabas sa takot na baka nandoon si Shan. Ayaw na niyang makipagtalo pa rito. Pakiramdam niya ay ubos na ubos siya sa nangyaring sigawan kanina. Para siyang nawawalan ng lakas habang nakaupo sa toilet bowl.
"Creza…" Napaangat siya ng tingin nang marinig iyon.
"Kyle?"
"Shan left already. You can come out now."
Sandali siyang napatitig sa pinto ng CR bago dahan dahang tumayo at lumapit sa pinto. Pagkabukas niya ay sumalubong sa kanya ang naka-cross arms na si Kyle. Hindi niya alam kung anong hitsura niya at wala na rin naman siyang pakialam. Nakagat niya ang kanyang labi para pigilan ang nagbabadyang luha sa kanyang mga mata.
Bumuntong-hininga si Kyle at saka lumapit din sa kanya. Hinawakan nito ang kanyang magkabil
