Napabuntong si Creza nang makarating sila sa condo. Nauna siyang pumasok kay Kyle dahil may binili pa ito sa convenience store sa ibaba.
"Hey." Agad siyang napatingin kay Shan. Prenteng nakaupo lang ito sa sofa habang nanonood ng TV. Nakangiti ito sa kanya.
Napalunok siya at tipid na ngumiti rito.
Tumayo si Shan at sinalubong siya.
"You fine?" tanong nito nang hawakan siya sa magkabilang braso.
Huminga siya nang malalim at saka nag-iwas ng tingin.
"Y-Yeah."
Natahimik sila. Kumakalabog ang kanyang dibdib. Ganito palagi ang kanyang nararamdaman sa tuwing magkakalapit sila ni Shan. Parang ayaw niyang gumalaw kasi pakiramdam niya, isang maling galaw niya lang ay may sasabog na sikreto. Simula noong mabaon siya sa sitwasyong ito ay para na siyang isang time bomb na kung magkamali ka
