"Bye. Magre-review pa ako for tomorrow." Kumaway si Shan sa screen.
Tipid na ngumiti lang din si Creza at saka kumaway.
"Bye, ingat ka. Magpahinga ka rin, ha."
Bahagyang tumawa si Shan. "Opo. Sige na. Bye, Crez."
Ngiti lang ulit ang kanyang isinagot dito at saka pinatay na ang tawag. Bumuntong-hininga siya at saka sandaling napatitig sa kanyang cellphone. Bumuga siya ng hininga at saka inilagay na rin iyon sa kanyang bedside table. Inayos niya ang comforter at saka humiga na.
Nakahiga na siya nang may kumatok sa pinto. Kumunot ang kanyang noo.
"Kyle?" tanong niya.
Walang sumagot sa labas, sa halip ay dahan-dahang bumukas ang pinto at dahan-dahan ding pumasok si Kyle roon. Kunot noong nakatingin pa rin siya sa lalaki at sa hawak nitong vanilla ice cream.
Mas lalong nagsalubong
