Awtomatikong napangisi si Victoria habang pinapanood ang dahan-dahan at maingay na pagbukas ng mataas na tarangkahan bakal habang nakikisabay sa malakas na buhos ng ulan ang ingay nito. Kung siya nakangisi habang minamasdan itong sa pagbukas, ang kasama naman niyang si Azrael sa kabilang upuan ng sasakyan ay tahimik at labis-labis ang kabang nararamdaman.
May malaking takot sa dibdib niya, na animo'y iyon na ang araw na huhusgahan siya. Ayaw niya mang magmukhang mahina sa harap ng dalagang kasama ay hindi niya magawang iwaksi sa isip at dibdib ang takot at kilabot na sige lang sa paggapang sa buong katawan niya.
Nang magbukas na nang tuluyan ang tarangkahan, saka lamang iniatras ni Victoria ang sasakyan. Pinihit paharap sa mansion at saka umabante upang ipasok sa loob.
Batid niyang sin
