Hinihingal nang marating ni Victoria ang lugar kung saan niya ipinarada ang kanyang sasakyan. Agad siyang pumasok sa loob at sinandal ang likod sa upuan. Hinihabol niya ang paghinga sa sobrang pagod at kilabot na ring nararamdaman.
Hindi siya makapaniwala sa nakita. Hindi niya rin inaasahan na ganoon ang mararamdaman kapag nakaharap na niya ang isa sa mga Capital Demon. Nakakagimbal ang hatid, nakakapangatog tuhod.
Ganunpaman, kailangan niya ng umalis dahil tiyak na may naghahanap na sa kanya. Ini-start na niya ang sasakyan at nilisan ang lugar. Tinawagan niya ang numero ng madre ngunit walang sumasagot. Hinayaan na lamang niya baka may imaportanteng ginagawa. Alam naman niyang tatawagan siya noon kapag nakitang may missed calls galing sa kanya.
Habang nagmamaneho, hindi maalis sa guni
