Third-person's Point of View
"Sino ka? Sagutin mo ang tanong ko?" Malakas na tanong ni Asmit habang matalim na nakatingin sa babaeng bumaba mula sa mataas na bakod. Hindi niya inaalis ang tingin rito dahil malakas ang kutob niyang iyon ang parehong taong nakita niya nang hapon.
Nakayuko ito at madilim kaya di siya gaanong nakikita. Sakto pang may ulap na humarang sa liwanag ng buwan na siyang tanging nagsisilbing liwanag nila sa madilim na paligid.
Tumindig na ito't nag-angat ng ulo. Nag-umpisang humakbang at naglakad palapit sa kanila. Mula sa gilid ng bag niyang dala ay hinugot niya ang isang maliit na katana, isa't kalahating ruler lamang ang haba niyon at tinatawag itong Wakizashi sa Japan.
Manipis ang lamang at pakurba di gaya ng sa mga espada, nasa isang parte lamang ang talim ni
