Magulo, maingay at madumi. Ito ang klase ng paligid na laging nakikita ni Asmit sa araw-araw. Sa kanilang lugar ay normal na iyon. Nagkalat ang mga basyo ng bote ng alak, mga kaha, abo at filter ng sigarilyo. May mga basag ding mga bote sa kung saan-saan dahil madalas nilang pagtripang basag-basagin ang mga bote ng alak lalo na kapag wala silang magawa.
Normal na araw at nang hapon na iyon ay nakikipagsugal siya sa kanyang mga tauhan. Nakikipaglaro ng tongits sa kanila at bawat numero ay may bayad. May tong sa gitna para gamitin nilang pang-inom ng alak mamaya at pambili ng pulutan.
Sinipat ni Asmit ang hawak na nga baraha, panalo na siya kanina pa dahil marami na siyang nakubra at halos nagkandahulog na nga ang ibang mga perang papel at barya na naipon sa lamesa sa mismong tapat niya. S
