Pangalawang araw pa lamang nila sa ospital ngunit gusto ng umuwi ng kanyang Papa sa kanilang bahay. Nagtalo pa sila mag-ama dahil ayaw ni Pretzel pumayag na umuwi na dahil mas mababantayan siya ng mga doktor at nars na naroon kesa sa bahay nila.
Ayaw naman ng amang pumayag na magtagal pa sa ospital dahil hindi niya gusto ang amoy ng paligid at hindi siya komportableng nakakulong lang sa silid na puro puti raw ang kanyang nakikita pagmulat ng mata. Pakiramdam daw niya'y langit na ang huling pagmulat niya.
Ang sabi naman ni Pretzel magdadala siya ng mga halaman para magkaroon ng kulay ang paligid ngunit hindi pa rin ito nasunod. Pumayag lamang si Pretzel matapos siguruhin ng kanyang tito na pwedeng sa bahay na lamang ito magpaghinga basta iinumin nito ng sa tamang oras ang mga bitamina at
