Nanlalambot ang mga tuhod habang papasok ng Ospital si Pretzel. Mabigat ang bawat hakbang na para bang binalot ng makapal na semento ang magkabilaang mga paa. Ganumpaman, hindi niya iyon ininda dahil mas nanaig ang kagustuhang niyang makita agad ang ama at malaman ang kalagayan nito. Pinilit niyang inihakbang ang mga paa kahit pakiramdam niya'y matutumba siya anumang oras, para ring may nakabarang kung ano sa kanyang lalamunan at anumang oras ay kusa na lamang kakawala ng biglaan.
Hindi pa rin siya makapaniwala sa mga oras na iyon. Natatakot siya't kinakabahan.
Matapos niyang malaman sa ina na itinakbo ang kanyang ama sa ospital ay para siyang binuhusan na malamig na tubig. Halos paliparin niya rin ang sasakyan upang mabilis makarating ang ospital at sa bilis niyang magmaneho kanina'y ka
