"6pm sa Florentino Restaurant." Basa ni Pretzel sa dumating na mensahe sa kanyang cellphone. Paalis pa lamang siya ng bahay nang dumating ang mensaheng iyon at galing kay Felicity.
Mabilis niyang tinype ang okay habang nagmamaneho at pinadala kay Felicity. Unang araw upang kilatisin nila ang mga lalaki sa listahan.
"Ano na nga ulit pangalan?" Tanong ni Pretzel sa sarili habang pasakay ng kanyang kotse. Nakalimutan niya ang pangalan ngunit naalala niya pa ang itsura nito at ang ibang impormasyon na nabasa niya sa laptop ng matchmaker.
Hinayaan na lang niya dahil hindi niya talaga maalala baka sumakit pa ulo niya kung pipigain ang utak. Dumaan siya ng coffee shop kagaya ng lagi niyang ginagawa para bumili ng paboritong makrema na kape.
Hindi niya kasi makuha ang timpla nila kaya bumibil
