Pauwi na sa kanyang condo si Felicity nang tawagan siya ng ina ni Pretzel. Nangumusta at nanghingi ng update. Nakikibalita kung ano ang nangyari sa lakad nila ng anak at kung naihatid na rin niya ito nang mga oras na iyon.
Halata sa boses nito ang pagaalala. Sinabi niya sa Ginang na naihatid na niya babalik ng flowershop ito at sinigurong nakaalis na muna ang dalaga bago siya umalis nang tuluyan sa lugar.
Nakahinga naman ang Ginang nang maluwang matapos iyon marinig dahil anong oras na rin naman iyon. Mag-aalas dyes trenta na at wala pa ito sa ospital.
Ikinuwento niya ang nangyari sa unang araw nila sa pagkilatis ng mga lalaki na napiling kilalanin ni Pretzel ng husto bago sila i-date. Tawa ng tawa ang Ginang nang madinig ang nalaman nila ng dalaga sa pagkatao ng anak ng mga Florentino.
