Inabangan ng Ginang at ni Manang Sol si Pretzel sa kanyang pag-uwi. Pinagbuksan siya ng gate at tinulungan magbaba ng mga pinamili. Sa dami ay kinailangan niyang magpabalik-balik para mahakot lahat. Inisa-isa lang nilang buhatin ang bawat paper bags dahil mabibigat ang mga iyon. Karamihan kasi ay malalaking mga galon, iyon kasi ang mga pinakuha sa kanya at pati ang mga de lata'y malalaki rin. Mukhang stocks na nga yata ng dalawang buwan iyon dahil apaw-apaw ang cart niya at hirap na siyang itulak.
Habang nagbubuhat ay biglang namang pumasok sa kanyang isip. Noong mga panahon na maayos pa ang kalusugan ng kanyang ama. Mabilis nilang nagagawa ang mga gawain kapag nariyan ang Papa niya. Ngunit dahil nga ngayon ay nagpapanggap pa ring may sakit ito at kunwaring madalas nanghihina ay lagi lang
