Ang portal na nagsilbing lagusan ng mga tao para makarating dito at ito rin ang gagamitin namin para maibalik sila sa kanilang mundo.
Nasagi sa isip ko sina Mommy at kuya. Ang dalawang bestfriend ko. Ang mga kaklase ko at mga kakilala. Mga masasayang alaala na unti-unti ng nabubura sa isipan ko sa maikli kong pamamalagi sa mundong ito. Sa mundo na kagaya nila Raven ay nabibilang ako.
"Naaalala pa kaya nila ako?" Tanong ko sa isipan ko at isang patak ng luha ang dumaloy sa pisngi ko.
Nagulat pa ako ng tapikin ako sa balikat ni Josh.
Grabe ha. Nagsesenti ako dito panira.
Pasimple ko namang pinunasan ang luha ko at tumingin sa kanya. Mukhang di naman niya napansin kung ano pinunasan ko o baka nagpapatay malisya lang 'to?
"Ano na ang plano?" Tanong niya sa akin.
"Bakit ako?" Takang tano
