"Mga tao nga talaga. Ilang dekada na ang dumaan ngunit wala pa ring pagbabago sa kanila." Komento ng isang lalaking duwende na pinapanood lamang ang mga nagkakagulong mga kalalakihan na hindi magkandaugaga sa pagpupulot ng mga kayamaan.
Para sa mga taga-Isla ay mga laruan at basura lamang ang mga iyon. Ni halos ayaw nilang gamitin ang mga kasangkapang naroon sa kanilang pang-araw-araw na mga buhay. Inaanod lang ng tubig ang mga iyon, nababawasan at nadadagdagan sa mga pagdaan ng panahon.
Nakasusuyang tignan para sa kanila ang mga mistulang hibang na mga tao na abala sa kanilang ginagawa at nakalimutan nang intindihinin ang ibang mga bagay. Hindi nila maintindihan ang mga tao kung bakit nakasentro ang kanilang buhay sa pagpapayaman at salapi kesa sa ibang mas importanteng mga bagay. Hindi
