Mahigpit ang pagkakahawak ni Merrick sa leeg ni Rekker gamit ang isa niyang lamang kamay. Nagawa niyang maiangat ang paa nito mula sa buhangin na kanilang tinatapakan sa ganoong paraan. Ang hindi na halos makahingang si Rekker ay mahigpit din ang kapit sa braso ni Merrick na pumipiga sa kaniyang leeg habang sinusubukan nitong pumalag sa pamamagitan ng pagsipa sa taong-dragon.
Natatamaan ang binti ni Merrick ngunit wala siyang pakialam. Halos pareho lang sila ng taas ngunit mas matipuno si Merrick sa kaniya at malayo sa katawan ni Rekker na medyo payat kaya madali siyang naiangat nito sa ere nang walang kahirap-hirap.
Nagtatagis ang kaniyang panga. Nagkikiskisan ang mga ngipin sa kaniyang gigil. Matalim ang tingin niya sa taong kaniyang sakal at kitang-kita ang labis na galit sa kaniyang
