Pahakbang na sana si Lilith papasok sa gate ngunit napaatras siya nang makita ang mga parating niyang mga kamag-anak. Seryoso ang mga mukha ng lahat at halatang galit. Lalo na ang Tiyahin niyang halos kumaripas na ng takbo upang sugurin siya at itulak palabas sa kanila at hindi na patungtungin sa lupang inaari na nila.
"Aba naman Lilith! Lakas ng loob mong bumalik! Nagkakotse ka pa nga! Mayaman ka na ba ngayon at pumunta ka rito sa amin para magyabang?! O baka nagpakapokpok ka kung saang lugar ka napadpad at nakapag-asawa ng matandang mayaman na may sakit at napamanahan ka ng sangkatutak na salapi nang mamatay? Ha? Ano?!" galit na galit at walang prenong mga paratang at tanong ng Tiyahin ni Lilith sa kaniya malayo pa lamang ito.
Sa lakas ng boses niyang iyon ay nabulabog niya ang mga kap
