Paglabas nila sa pizza parlor ay magdidilim na. Nagpaalam si Simon kina Grace at Catherine.
“Ihatid ko lang muna si Loida kasi madilim na.”
Nahiya naman si Loida at nagpakipot pa. “Naku, nakakahiya naman Simon, it’s okay.”
“Hindi na, ihahatid na kita saglit lang naman. Hanggang ibaba lang ako ng condo para sure lang na nakauwi ka.”
“Sige na nga.” Pumayag din naman kaagad si Loida kaya natuwa si Grace. Si Catherine naman ay naiiling sa pagpapakipot ni Loida.
“Tara na.” Hinawakan ni Simon sa braso si Loida. Hindi naman ito pumalag. “Bye Grace, bye Cath.” Tiningnan ni Simon si Catherine pero hindi na ito tumingin sa kaniya. Nakatalikod na si Catherine at inaya na si Grace na lumakad papunta sa sakayan. Magka-iba ang direksyon nila kina Simon. Sina Simon at Loida ay maglalakad lang da
