Ako ba? Ano na naitulong ko? Sakin nga nag simula 'to tapos dagdag problema pa ko sa kanila. Hindi ko alam kung paano ako tutulong para sa kapatid ko. Hindi ko alam kung paano ko 'to ililigtas.
Nag simula na kaming lahat na kumain. Hindi ako pinapansin ni Mommy or tinitignan man lang. Tahimik lang ako na kumakain kaya naman ng matapos na ay nauna itong umalis at sinundan ni Tito Andrew. Nang matapos na din akong kumain ay nauna na kong umalis at iniwan ang dalawa don. Sa pag daan ko sa telepono ay bigla itong tumunog kaya naman agad akong pumunta don para sagutin 'to.
"Hello?"
"Hi my halfsister."
Biglang humigpit ang kapit ko sa telepono na hawak ko at saka huminga ng malalim. "Ano? Miss mo na ba ang kapatid mo?"
"N-Nestle." matigas na tawag ko dito.
"Why? Gusto mo ba sya makausap?"
