TASK 38: Finding Kikay
"Ma, anong 'missing' ang sinasabi ni Alice? Asaan si Kikay?" Tanong ni Nico habang yakap-yakap ang anak at hinihintay na pumasok sa pinto si Kyra.
"Lumayas na ata at tinangay pa ang pinamili namin." Sagot ng kaniyang ina na parang walang nangyari.
"Hindi magnanakaw si Kikay."
"Sigurado ka ba diyan? Sa itsura pa lang ng katulong mo mukhang wala nang magandang maidudulot."
"Ma!" Hindi nga sigurado si Nico kung gusto ba ni Kyra lumayas pero sigurado naman siyang hindi ito magnanakaw. Yun na ata ang pinakahuling maiisip ni Nico sa katulong. "Saan niyo iniwan si Kikay?"
"Hindi ko siya iniwan, Nicholas. Nawala na lang siya bigla ng nasa Divisoria kami."
"Divisoria? Nagpunta kayo dun?" Nahindik siya. Isinama ng Mama niya ang isang lola, isang bata at isang babaeng hi
