James’s Point of View
Nagising ako na madilim na ang paligid. Wala akong ideya kung gaano kahaba ang naitulog ko dahil wala namang orasan dito sa Harmonia. Madilim at wala akong makita kahit maliit na liwanag sa loob ng aking kinaroroonan kong silid, ngunit nang tumingala ako ay may liwanag mula sa siwang ng pinto galing sa labas.
May narinig akong mga ingay. Mula sa labas ng saradong bintana ay parang may huni ng kwago. May mga tunog din na nililikha ng mga insekto at medyo gumagalaw ang bintanang gawa lamang sa kahoy sa tuwing hinahampas ng hangin. Mayroon pa. May nag-uusap sa labas ng saradong pinto kalansing ng mga kasangkapan.
Parang si Adrian ang isa sa mga boses at ang kausap niya ay parang si Solana. Tila ako ang pinag-uusapan nila dahil narinig ko ang ngalang Edelweiss. Hindi n
