Nananghalian kami nang tahimik. Napakaraming pagkain na mukhang masasarap ang mga itsura, ngunit para bang lahat ng iyon ay walang lasa. Pakiramdam ko ay napipilitan lang akong kumain dahil sa kumakalam ang sikmura ko at kailangan kong lagyan ng laman. Pagod na pagod din ang katawan ko dahil sa layo ng nilakbay namin. Mahapdi ang balat lalo na sa mukha dahil sa matagal na pagkakabilad.
“Maaari niyong gamitin ang isang silid para makapagpahinga. Bawiin n’yo muna ang mmga lakas niyo dahil mukhang pagid na pagod ang mga itsura ninyong dalawa,” nadinig kong sabi ni Solana matapos naming kumain.
“Sadie, ihatid mo muna sila sa silid mo. Doon ka na muna sa silid ko habang narito sila,” dagdag niya nang balingan ang masungit na babae na mukhang hindi gusto ang ideyang iyon base sa kaniyang reak
