Sadie's Point of View
Masama ito. Hindi ko inaasahan na ibubukod ako at ilalayo sa lalaking iyon. Tiyak akong sa mga oras na ito ay wala ng bisa ang salamanca na aking ginamit sa kaniya. Nagbalik na ang kaniyang itsura at maari kaming lahat mailapit sa panganib. Kinakabahan tuloy ako nang husto. Hindi ko na siya matanaw o kahit ang dulo ng hanay ng mga bilanggo kung saan siya kabilang ngayong araw.
Anong gagawin ko? Kailangan kong mag-isip.
Kabilin-bilinan pa naman din ni guro na tiyakin naming di papalpak at sundin lamang ang binuo naming mga plano. Kailangan namin siyang hintayin dahil baka hindi namin kayanin ang mga kawal ni Ramsy na hindi biro ang bilang. Nadagdagan pa sila ng mga nakatakas na traydor na mga kawal at heneral mula sa Windy Valley. Mabuti sana kung kaya na ni Edelwe
