Sa wakas, natapos na rin si Solana sa paggawa ng tableta. Gamot na parang sperulina sa mundo na kinalakihan ni Edelweiss, ngunit ang kan'yang bersyon ay mas mabisa at hindi talaga magugutom sinuman ang makaiinom. Mas madadagdagan din ang kanilang sigla at hindi agad mapapagod na kayang tumagal na hanggang tatlong araw.
Wala siyang nahagilap na maarin niyang panghulma kaya naman binilog na lamang niya at pinipi nang husto upang maging sapat ang sukat para hindi bumara sa lalamunan at kanilang malulon. Tigalawa ang bawat isa sa kanila kaya ang bisa ay higit sa tatlong araw. Nasa Devlin na sila kapag nawala ang bisa ng gamot.
Iyon nga lang, may side effect kapag wala na ang bisa. Dahil bigla na lamang babagsak ang katawan ng sinumang uminom. Doon lamang nila mararamdaman ang lahat. Ang uhaw
