Lumipad si Sadie palabas ng selda at sa madilim na parte dumaan upang hindi siya mapansin ng mga bantay na mga kawal na nasa paligid lamang. Tinungo niya ang lugar kung saan nanggagaling ang ingay, ang malalakas na mga yabag ng mga paa at ang mga paggulong ng mga makinarya sa batong kalsada.
Nang malapit na siya ay natanaw niya agad ang di mabilang na mga kawal na mukhang naghahanda sa pagsalakay. Ang mga naroon ay pinagsamang kawal ng Rock Valley at Windy Valley base sa mga kulay at porma ng mga proteksyon sa katawan na suot nila.
"Masama ito," kan'yang nasabi.
Babalik na sana siya sa selda kung nasaan si Edelweiss, ngunit naisip niyang mas mainam na kunin niya muna ang lahat ng impormasyon na kailangan bago balikan ang binata. Lumipad siya nang mas mataas at pumasok sa bukas na bint
