Nakangising mukha ni Riego ang hindi pansin ni Ramsy habang siya'y pinanonood. Hindi maitago ang pagkabalisa ng kinaiinisan n hari. Pabalik-balik ang lakad niya sa loob ng silid habang naghihintay ng ulat mula sa labas. Kinakabahan sa maaring kahantungan niya kapag napasok ng dalawang naglakas-loob na sila'y sugurin sa hindi niya pa alam kung paano nila nagawa gayong napakahigpit ng kaniyang seguridad.
Batid niyang ang kaniyang mga heneral na ang bahala sa mga kalabang bigla na lamang sumalakay, ngunit ang isipin na pamangkin iyon ni Solana at ang tumulong sa pagtalo sa kaniyang mga alagad.
"Sino kaya ang dalawang 'yon?" kaniyang pabulong na tanong habang patuloy sa paglakad. Nakatingin siya sa sahig habang ang dalawang braso ay nasa kaniyang likod.
"Sino? Sino sila?" paulit-ulit niyan
