Sadie’s Point of View
Habang nagpapatuloy ang sagupaan, para naman akong lutang. May umuugong sa loob ang aking tainga. Ugong na may hatid na sakit sa kaloob-looban at parang nagiging dalawa ang aking paningin. Tila nagsasayaw ang mga nasa paligid ko, ngunit sinubukan ko pa ring makipaglaban sa mga nais akong sugurin.
Tagaktak na rin ang pawis ko, ngunit malamig at batid kong hindi normal ang pagpapawis ko, isama pa ang nararamdaman kong lamig na parang niyayapos ako at tumatagos hanggang kaibuturan.
Ito na ang yata ang sintomas. Ang senyales na bumababa na ang epekto ng tableta na aking ininom upang hindi agad magutom at mapagod. Dapat ay bukas pa mawawala ang bisa, higit pa nga dapat dahil dinagdagan ang dosis o takal ng gamot na iyon.
Masyado pang maaga.
Napaisip akong bigla tul
