Ginamit nina Solana at Sadie ang natitirang oras bago pumutok ang liwanag sa Windy Valley sa pagpapahinga. Ang magpinsan naman ay nanatiling gising dahil nakatulog naman na sila habang nasa paglalakbay at hindi agad sila pareho dinalaw ng antok.
Kung mayroong hindi talaga nakatulog sa kanila, iyon ay si Adrian. Okupado ang isip niya ng mga bagay-bagay para makuha niya pang ipikit ang kaniyang mga mata. Nakaupo lang siya sa isang sulok katabi ang nakaupong si Edelweiss na nakaidlip na sa paghihintay ng umaga.
Bago magliwanag ay gising na ang dalawang kababaihan. Nagligpit na sila agad ng kanilang hinigaan upang simulan ang kanilang araw. Nang magising ang matandang mag-asawa ay kinausap sila ni Solana sa kusina. Kitang-kita ni Adrian mula sa kaniyang kinauupuan ang takot sa mukha ng dalaw
