Celestial Kingdom
Rue's Point of View
Paalis na ang mga magulang ng Reyna at kambal na kapatid patungo sa mundo ng mga Mortal. Kasalukuyan pa lamang silang patawid sa portal at nagpapaalam sa isa't-isa. Mahigpit na yakapan at tinadtad ng halik ni Amethyst ang panganay niyang anak sa buo nitong mukha.
Naiiyak ang Ginang at halata sa mukha nito na ayaw niya sanang iwan muna ang anak sa kabilang mundo ngunit kailangan upang gumaling na siya at bumalik na sa dati ang lakas.
Nakalulungkot makitang mahihiwalay nanaman silang pamilya. Kay ikli ng panahon na nabuo silang muli at kung kailan sila magkikitang muli ay wala pang katiyakan.
May naghihintay na sa kanila sa kabilang mundo na siyang magdadala sa kanila sa doktor na isa ring Celestial na gaya nila. Kilala siya ng ama ni Lala at nang m
