Habang nakikipaglaban ang mga kawal kay Marion ay nag-isip ng plano sina Rue at Raven upang mahuli nila ito. Iyon na rin ang kinuhang pagkakataon ni Rue upang makapagpahinga at makabawi ng kaunti sa napakarami niyang lakas na nagamit.
Habang nag-iisip ng mainam na plano ay napagawi ang mga mata ni Raven sa mga naglalaban sa di kalayuan. Napapatanong pa rin siya at nahihiwagaan sa dahilan ni Marion kung bakit hindi niya pinaslang ang bata gayong mukhang nasaksihan nito ang ginawa ng walang awang Ginoo sa mga magulang ng bata at sa kaniyang lola.
Isinantabi niya muna ang mga haka-haka at ang kuwestiyon na nasa kaniyang isip patungkol sa nagay na iyon. Pilit itinuon ang atensyon sa kung ano ang kinakaharap nilang suliranin.
"Nar'yan si Josh at mayroon pang mga dumarating na mga kawal upan
