Lala's Point of View
Napakaaliwas nang umaga ang bumungad sa buong Celestial Kingdom sunod na araw. Binuksan ko agad ang bintana upang hayaang ang malamig na hangin at sikat ng araw na malayang makapasok sa aking silid.
Dinig na dinig ang awitan ng mga ibon na lumilipad sa paligid at humalik sa aking pisngi ang malamig na hanging amihan. Tiyak na malamig na rin tuwing umaga sa mundo ng mga tao dahil sa nalalapit na pagsapit ng pasko.
Kumusta na kaya sina Kuya Carlo at Mommy? Balita ko'y nag-asawa na si Kuya at pinagpapatuloy ni Mommy ang flowershop ni Daddy.
Na-miss ko bigla ang maingay na umaga. Nasanay na kasi akong ako na lamang ang gigising mag-isa at walang makulit na nakatatandang kapatid ang nambubulabog sa akin.
Matanda naman na ako ngayon para magpagising pa, pero minsan na
