"Walang dumalaw sa Ginoo ayon sa mga naatasang nagbantay sa kaniya," pagbabalita ni Raven nang makalapit kina Rue at Lala.
Gaya ng utos ni Lala, bumalik agad si Raven sa silid-aklatan at iyon ang impormasyong kaniyang nakalap sa kaniyang pag-alis kanina.
Napaisip ang Reyna sa sinabi nito. Mukhang tama ang kaniyang hinala na gumamit ito ng mahika upang mailigtas ang sarili mula sa parusang kamatayan na igagawad na sa kaniya sa araw na iyon.
Napangisi na lang ang dalaga. Bahagya siyang nabilib sa kakayahan ng Ginoo. Makapangyarihan nga ito at mabilis mag-isip. Ang mga ito ay sapat ng dahilan upang mag-ingat sila dahil tunay ngang may dala itong panganib.
Sa isip ng Reyna, oras na para sila'y kumilos.
"Rue, ikaw na muna ang bahala sa Ginang. Sabihin mong susubukan ko siyang tulungan," ba
