Ilang araw na ang nakalilipas simula ng nangyari sa kweba at hindi pa rin masagot ang mga katanungan sa isip ni Eros patungkol sa misteryong naganap. Batid niyang may ginawa si Apple upang matulungang mapisa ang itlog ngunit tila ba may pumipigil sa kaniyang magtanong.
Napansin niya rin ang pagbabago sa kilos ng bata. May kakaiba rito ngunit hindi niya mawari kung ano eksakto. Kaya para masagot ang mga katanungan ay personal na niyang kainausap sina Raven at Lala. Kinuwento niya ang lahat ng nangyari noong araw na iyon at nagulat ang dalawa.
"Hindi ba nabanggit niya na isang depekto siya sa laboratoryo kaya iba ang trato sa kaniya ng mga naroon?" tanong ni Lala nang sumagi sa isip niya ang mga ikinuwento sa kanila ng bata.
"Iyan nga rin ang naalala ko kaya labis kong pinagtatakhan na ma
