Sa kalagitnaan ng pagpapahinga ng lahat, bigla na lamang silang naalarma. Nagsisigaw si Rio at namimilipit sa sakit.
"Ahhhh!" Malakas nitong sigaw at hindi alam kung saan babaling. Napatakbo ang mag-asawa na halos kapipikit pa lamang ng mga mata upang alamin ang nangyayari sa kanilang anak.
Maging si Eros ay dinaluhan ang apo at nayakap ni Apple si Milky sa labis niyang takot.
"Masakit po...ang buong...katawan ko," anunsyo niya sa kanila at halos hindi na magawang makapagsalita nang mga sandaling 'yon.
Walang ano-ano ay bigla na lamang itong sumuka. Nanlaki ang mga mata ng tatlo nang makitang dugo ang lumabas sa bibig ng binatilyo.
"Ano pong nangyari sa kaniya Tatay Eros?" tanong ng nag-aalalang si Lala sa ginoo na inoobserbahan ang mga kondisyon ni Rio.
Nilapitan na niya ito at isin
