Lala's Point of View
Sa ilang araw na paglalakbay, halos wala ako sa sarili. Narating na rin namin sa wakas ang lupain ng mga Red kung saan matatagpuan ang pinakamalalim na parte ng katubigan sa mundo ng mga Celestial.
Bahagya kaming natagalan dahil kinailangan pa naming huminto sa iba't-ibang lugar upang magpahinga at magpalipat-lipat na rin ng ruta nang sa gano'n ay matiyak na walang makasusunod na mga ligaw na kaluluwa sa aming lugar na pakay. Iyon ang suhestyon ng kawal na si Trace na sinang-ayunan ni Tatay Eros kaya hindi na kami umangal mag-asawa.
Sa dami niyang nalalaman, mahirap nang sumalungat. Isa pa'y tila lutang ang isip ko at dahan-dahang pinuproseso ang lahat na talaga naman kay hirap isaksak sa utak at sabay-sabay na intindihin ang lahat.
Kahit anong gawin ko ay hindi
