نوفيلا خدعة

نوفيلا خدعة . . . الفصل الاول . . . بقلمى / هدير خليل . . . فى احد المنزل المصريه فى احياء مدينه القاهرة أسرة متوسطة الحال مكونه من خمسة افراد هم الوالدين و فتاة و صبيان . . . تقى :- ماما انا نزله راحه الكليه . . . ام تقى :- اوعى تتاخرى و خدى حد من خواتك يوصلك لغايه صحبتك هى مش فاطمه راحه معاكى برضوه . . . تقى :- اخواتى مش قعدين راحوا يلعبوا الماتش و بعدين فاطمه هتستنانى اول الشارع يعنى مش مستاهله . . . ام تقى :- طيب خلى بالك من نفسك . . . تقى :- حاضر مع السلامه . . . مشت تقى و راحت قبلت صاحبتها فاطمه و راحوا الكليه . . . . . . . . . . . . . . . . . . . . . فى مكان اخر . . . وليد :- يا ماما ارحمينى انا شوفت كل بنات صاحبتك اللى بتطلع هبله و اللى بتطلع حوله وللى واحدة كل كلمه اقولها تقولها لامها هو انا هتجوازها ولا هتجواز امها واللى رغايه و اللى واللى انا خلص تعبت . . . ام وليد :- ما هو يا بنى بندور على ما نلقى بنت الحلال ولا عايز تقعد تتسرمح مع الشلة الفاشله بتاعتك و تقعدلى من غير جواز . . . وليد :- انا مرتاح كده ايه مضايقك من راحتى بس . . . ام وليد :- و انا مش مرتاحه و انت قعد كده من غير جواز يا بنى انا عايزه افرح بيك و اشوف عيالك قبل ما اموت . . . وليد :- ربنا يد*كى طولة العمر ماشى يا ست الكل خلينا نشوف اللى اختارتيها المرادى . . . ام وليد :- انت بس شوفها و هتدعيلى . . . وليد :- ربنا يستر طيب انا نزل اقعد مع اصحابى شويه . . . ام وليد :- انت جيبك وراه غيرهم شلة الغم دول . . . وليد :- خلينى اهوى عن نفسى قبل ما تاجى اللى تنكت على اهلى يالا سلام . . . ام وليد :- طيب انا هتصل بالناس و هحدد معاهم معاد نروح فيه . . . وليد :- اعملى اللى تعمليه . . . عند تقى رجعت من محاضراتها اول ما دخلت لقيت مامتها بتحضر الاكل ف راحت غيرت هدومها و ساعدت مامتها فى تحضير الغداء و قعدوا كلهم يأكلوا . . . ابو تقى :- هما ا****عه جاين امتى ؟ . . . ام تقى :- بعد بكرة . . . ابو تقى :- خلص شوفى لو فى حاجه ناقصه قوليلى و يبقى أجيبها معايه و انا راجع . . . احمد :- هو مين اللى جاى عندنا يا تقى ؟ . . . تقى :- مش عارفه . . . احمد ب يض*ب اخوه محمود فى رجله تحت السفره . . . محمود :- آآآه . . . ابو تقى :- فى ايه ؟؟ . . . محمود ب ينظر ل أحمد شرازا حتى يتوقف عما يفعل . . . محمود :- مفيش يا بابا انا بس عضية ل**نى و انا باكل . . . ام تقى :- طيب كل براحه . . . احمد :- ماما . . . ام تقى :- ايوه . . . احمد :- هو مين اللى جاى عندنا . . . ام تقى :- ملكش دعوه و كل يالا علشان تروح تلقا لك كتاب . . . احمد :- طيب . . . بعد ما خلصوا اكل . . . أبو تقى :- انا رايح انام شويه يبقى متنسيش تقولى ل تقى . . . ام تقى :- حاضر ، تقى . . . تقى :- ايوه يا ماما . . . ام تقى :- تعالى عايزاكى فى موضوع . . . تقى راحت قعدت جنب مامتها و مرة واحدة لقيوا احمد محشور وسطهم . . . ام تقى :- بسم الله الرحمن الرحيم انت بتعمل ايه هنا يا زفت مش قولتلك تروح تذكر . . . احمد :- انتى مش لسه قايله تعالى يا تقى علشان هنتكلم فى موضوع . . . ام تقى :- قولت تقى انت تقى . . . احمد :- لا انا اخوها مش هتفرق يعنى ها يالا قولى بقى فى ايه احنا مش هنقضى النهار كله فى كلام فاضى خشى فى المفيد . . . ام تقى :- قوم يا فاشل شوف كتابك . . . احمد :- و الله هقعد اسمع و انا ساكت . . . ام تقى تقلع الشبشب ف احمد بيجرى يدخل اوضته و يقفل الباب ف شبشب بيخبط الباب احمد :- مجاش فيه . . آه ليه كده حرام عليكى يا شيخه دا انا زى عيالك تر . . . ام تقى :- احمددددد لو مغورة من قدامى دلوقتى هنادى ل ابوك . . . احمد يتحدث بضيق . . . أحمد :- طيب داخل . . . احمد دخل اوضته هو و محمود و فضل رايح جاى . . . محمود :- ما تقعد يا زفت خيلتنى . . . احمد :- مش قادر انا عايز اعرف ايه فى بره ؟ . . . بص انا هعمل نفسى رايح الحمام ولا رايح اشرب و اعرف ايه بيحصل بره ؟ . . . محمود :- شكلك عايز تخدلك كم تهزيئه من ابوك و بعدين هى مش محتاجه فكاكه علشان تعرف الموضوع . . . احمد ينط على محمود على السرير . . . أحمد :- انت تعرف ماما عايزه تقى ليه ؟ قول بسرعه انت ساكت ليه ؟ و شايفنى بهرى قدامك و مقولتش . . . محمود :- بعد عنى هتفطسنى . . . احمد :- اهو بعدت قول بقى . . . محمود :- يا بنى اهدى كده انت عمرك ما هتكبر دا انت فى ثانوى عام . . . احمد :- سبت الهدوء ليك انطق بقى دا انا التؤام بتاعك يعنى المفروض تحس بحرقة الدم اللى انا فيها . . . محمود :- امممم تصدق صعبت عليه خلص هقولك بس بشرط . . . احمد :- ايه هو ؟؟ . . . محمود :- هاخد مصروفك لمدة اسبوع . . . احمد :- نعععععم ليه يعنى ؟؟ . . . محمود :- خلص مش هقول . . . احمد :- طيب لو طلع اللى قولته غلط . . . محمود :- هد*ك مصروفى اسبوع . . . احمد :- ماشى قول يالا . . . محمود :- تقى جايلها عريس . . . احمد :- احلف دا انا اروح احضر الفشار من دلوقتى بقى . . . محمود :- اشمعنى ؟؟ . . . احمد :- ما اكيد العريس تحفه من التحف اللى ماما بتجيبهم و هنشوف احلى فيلم بالصلاة على النبى . . . محمود :- عليه الصلاة و السلام . . . اما فى الخارج عند تقى . . . تقى :- عريس !! و ده مجايب مين المرادى ؟ . . . ام تقى :- ام كريم جارتنا هى اللى جيباه قريبها من بعيد . . . تقى :- انعم و اكرم . . . ام تقى - ف عايزين بكرة نروق البيت . . . تقى :- ان شاء الله انا رايحه اذكر . . . عدى باقى الايام عادى و أتى اليوم المنتظر و طبعا البيت اتروق و الجاتو و الساقع جهزوا و كان الكل فى انتظار العريس و اهله ، اول ما سمعوا جرس الباب . . . ام تقى :- روح يا محمود افتح و انت يا مزغود ادخل اوضتك . . . احمد :- ليه يعنى ده حتى انا هتف*ج بس . . . ام تقى كانت هترد عليه بس سكتت لما محمود دخل و معاه العريس و اهل تقى اللى اول ما شافوه اتصدموا . . . احمد :- يا نهار مدوحس مكنش يومك يا تقى يا بتى . . . ام تقى :- اسكت يا زفت . . . ابو تقى :- اهلا وسهلا اتفضلوا . . . قعدوا و راحبوا ب العريس و قعدوا يتكلموا مع بعض . . . العريس :- اما هى العروسة مش هتاجى ولا ايه ؟ . . . ام تقى :- ها اه هتاجى قوم يا محمود نادى اختك . . . احمد :- انا هروح اناديها . . . ام تقى تتحدث فى سرها . . . أم تقى :- ربنا يستر ، اتفضل يا حبيبى العصير . العريس :- شكرا . . . عند تقى دخل ليها احمد و هى كانت متوتره و خايفه . . . تقى :- ايه يا احمد الاخبار كويس ولا زى كل مرة احمد ب يمسك ضحكته بالعافيه . . . أحمد :- دا انتى هتنبهرى انبهار . . . تقى :- ربنا يستر . . . احمد :- طيب يالا علشان نطلع . . . تقى :- لا انا مش عايزه اطلع . . . احمد :- يالا يا تقى بدل ما ماما تزعق . . . طلعت تقى و احمد و اول ما دخلت وقفوا علشان يسلموا عليها و هى كانت بصه فى الارض و م**وفه سلمت عليهم و قعدت جنب احمد . . . تقى ب تهمس ل احمد . . . تقى :- احمد هو العريس أى واحد من اللى سلمت عليهم . . . احمد :- احم اللى جنبك يا تقى ازيك يا عريس . . . العريس :- الحمد الله ، ازيك يا تقا . . . تقى :- الحمد الله بس انا اسمى تقى مش تقا . . . العريس :- مش فرقه كتير انتى خريجة ايه بقى . . . ام تقى :- لا هى لسه فى 3 كليه السنادى . . . ام العريس :- ايه ! ليه هى مش مخلصه ؟ . . . ام تقى :- لا ، ليه هو فى حاجه ؟ . . . العريس :- لا مفيش . . . ام العريس :- ازى مفيش . . . العريس :- مفيش مشكلة يا ماما و هى اكيد هتقعد فى البيت بعد الجواز . . . هنا تقى رفعت عنيها لتنظر لجالس بجوارها و فضلت ترفع رأسها و ترفع و ترفع لغايه ما وصلت واتصدمة من اللى شافته . . . شافت واحد طووووويل و رفيع و وجهه اسود البشرة بختصار شبه الصوماليين مع اختلف انه شفايفه العلويه مشقوقه نصفين و عنيه بارزه تقى فاقت من صدمتها على كلام والدته . . . ام العريس :- ان كان كده ماشى احنا مش هنقعد نصرف عليها . . . ابو تقى :- اكيد ان حصل جواز ان شاء الله هيكون بعد ما تخلص تعليمها . . . العريس :- لا طبعا ان عايز اتجواز بعد شهر . . . ام تقى :- نعععم دا احنا مش هنقدر نجهز فيه حتى . . . العريس :- تجهزوا ايه انا هخدها كده من غير اى حاجه . . . ابو تقى :- ازى يعنى يا بنى . . . العريس :- احنا تقاليدنا كده العروسه بتدخل من غير ما تاخد حاجه من بيت اهلها . . . ام تقى :- و تعليمها . . . العريس :- مش مهم و بعدين هى هتقعد فى البيت تراعينى و تراعى العيال و البيت هتفيدها ب ايه الشهادة و بعدين مادام مكافيها خلص . . . محمود :- ليه هو انت بتشتغل ايه ؟ . . . العريس :- انا بشمهندس تسليك بلعات . . . احمد :- سباك يعنى انعم و اكرم . . . ام تقى :- عادى هو يعنى فى شغل الايام دى بس انت معاك شهادة ايه ؟ . . . ام العريس :- انا ابنى ما شاء الله عليه كمل تعليمه لغايه الاعداديه . . . احمد :- ههههه على كده انا يقولوا عليه ايه بروفسير . . . ام تقى :- احمد . . . احمد :- قعدت ساكت ، طيب هو انت عندك كم سنه كده . . . العريس :- 40 سنه . . . ابو تقى :- طيب يا بنى انت ادينا فرصه و احنا هنبعتلك الرد . . . العريس :- ماشى انا عارف انكم موافقين بس بتتقلوا علينا . . . ابو تقى بينظر ل ام تقى بغل . . . ابو تقى :- ربنا يسهل . . . العريس :- طيب يالا بينا يا ماما . . . ام العريس :- مش هتقولهم على اللى اتفقنا عليه . . . العريس :- ايوه صح ، لما اتجواز بنتكم مفيش حد فيكم هيزورها انا مش ناقص كل شويه تقولى امى قالت امى عادت تمام . . . هنا و لم تتحمل تقى المزيد من ال**ت . . . تقى :- انت فكر نفسك جاى سوق العبيد ايه هو اللى اهلى ما يجوش يزورونى ولا اكمل تعليمى هو مين اصلا اللى ضحك عليك و قالك اننا هنوافق عليك . . . العريس :- هو انتى تطولى . . . تقى :- ايوه طبعا طول و طول اكتر من كده . . . العريس هو ب يفرد نفسه اكثر فى الجلوس حتى يظهر طوله . . . العريس :- ورينى كده . . . تقى :- احم انا مش ببتكلم على الطول ده حد قالك عايزه واحد يغيرى لمبة الشقة و بعدين انت شايف نفسك على ايه ها . . . ام تقى بتحاول أن تجعل تقى ت**ت . . . ام تقى :- يا بت عيب كده . . . ابو تقى بيروح يقعد جنب احمد اللى مسك طبق الفشار و بيتف*ج . . . أبو تقى :- سبيها . . . العريس :- انا مهندس تسليك بلعات كد الدنيا . . . تقى :- انت منفوخ على ايه ؟ دا انت سباك و معاك اعداديه يعنى احمد اخوى الفاشل ده دكتور و رئيس قسم . . . ام العريس :- اهم حاجة انه هيكفيكى و يستتك بدل ما انتى قعده بايره . . . ام تقى :- مييييين دى اللى بايره دا بنتى العرسان بيقفوا عليها طوبير و بعدين على راى المثل يا واخده القرد على ماله يروح المال و يفضل القرد على حاله . . . ام العريس وهى بتحرك فمها بطريقة شعبيه . . . ام العريس :- على راى المثل الحلوه بختها مال و الوحشه ماشى يمين و شمال . . . تقى :- ااااااانا واحشه هو انتى مش شايفه شكل ابنك . . . ام العريس :- قمر . . . ام تقى :- القرد فى عين امه غزال . . . ام العريس :- ا . . . محمود :- بسسسسسسسس خلص اتفضلى يا حجه معندنش بنات لجواز . . . العريس :- احسن برضوه هات علبة الشوكولاته بتاعتنا ولا عايزين تض*بوا عليها . . . احمد :- نض*ب على ايه يا معفن ؟ دا انت من اول ما دخلت عندنا و رايحة الشقة اتقلبت خد علبتك و غور جاتك داهيه . . . احمد طلعهم و قفل الباب . . . احمد :- النهايه يالا يا ست الكل شدى حيلك و انزلينا ب الجزء التانى . . . تقى :- عجبك كده يا ماما خليتى اللى يسوى و اللى ميسواش يتريق عليه . . . احمد :- الله يكرمك اكيد انا اللى اسوى . . . ابو تقى :- خلص انت و هى و انتى يا ام محمود يبقى نقى كويس مين تدخليه البيت تانى . . . تقى :- لاااا مفيش تانى ولا تالت انا مش هشوف اى حد يجى من طرف صحبات ماما . . . ابو تقى :- طيب خلص يالا كل واحد على اوضته . . . كل واحد راح اوضته اما فى الجانب الآخر . . . ام وليد :- متنساش معاد بكرة مع الناس . . . وليد :- ان شاء الله . . . وليد و هو يكمل بهمس . . وليد :- ربنا يستر . . . انتظروا الفصل الجاى . . . . . . يتبع . . . . . . *************** . . .