الفصل الثانى
2169 Words
نوفيلا خدعه . .
الفصل الثاني . .
بقلمى / هدير خليل . .
فى بيت وليد . .
كان وليد يتحضر ل ذلك الموعد الذى دبرته والدته حتى يلتقى ب العروسة المختاره من قبل والدته . .
ام وليد :- يالا يا وليد كل ده بتجهز كده هنتاخر على الناس . .
وليد و هو ب يقفل أزرار القميص .
وليد :- حاضر يا ماما مش بلبس ولا اروحلهم على كده .
ام وليد :- طيب خلصت ولا لسه مطول . .
وليد :- ايوه خلصت يالا بينا . .
خرج وليد مع والدته و ذهبوا إلى بيت العروسه و عندما وصلوا إلى بيت العروسة رحبوا بهم أهل العروسة و بعد السلام و التعرف ذهبت ام العروسه ل تنادى على العروسة حتى تأتى لم تغب كثير حتى دخلت عليهم العروسه و هى تحمل صنيه العصير و قامت ب تقديمه لهم . .
ام وليد ب تهمس ل وليد . .
أم وليد :- ايه رايك ؟ .
وليد و هو ينظر ل العروس ب تقيم . .
وليد :- بصراحه اول مره تجيبى حاجه عدله . .
غمزت ام العروس ل والدها حتى يتركهم قليلاً حتى يتعرفوا العروسان على بعضهم . .
ابو العروسه :- طيب بعد إذنكم معايا تليفون . .
وليد :- اتفضل حضرتك . .
و تدخلت أم وليد هى الأخر حتى تفسح المجال ل ابنها ف تحدثت إلى والدة العروسة . .
ام وليد :- الإ صحيح يا ام بسمه كان فى موضوع عايزكى فيه ياختى . .
أم العروسة و هى تجاريها فى الحديث . .
ام العروسه :- موضوع ايه ؟ .
ام وليد :- طيب تعالى بره نتكلم بعيد من العرسان علشان نسيبهم يتعرفوا على بعض بدل ما ندوشهم . .
أم العروسه :- طيب اتفضلى معايا . .
بعد ما خرج الجميع ، كان وليد و العروسه يجلسون فى غرفة الجلوس المقابلة ل الصالة التى يوجد بها الأهل ، و تجلس العروس فى مقعد مقابل ل مقعد وليد قريباً منها و لكن ب مسافه معقوله . .
بعد ان طال ال**ت قرار وليد ان ي**ر ال**ت و يبدأ هو الحديث معها . .
وليد :- ازيك يا ... هو انتى اسمك ايه ؟ .
العروسة بخجل . .
العروسه :- اثمى بثمه . .
وليد ب يضغط على أذنه حتى يسمع جيدا ل اعتقاده ان العيب فى أذنه هو . .
وليد :- معلش مسمعتش كويس ممكن تعلى صوتك شويه . .
العروسه :- احم ... ولا يهمك بقول لك اثمى بثمه . .
وليد ابتسم عندما وجدها تتحدث فى بداية الامر جيدا و اعتقد ان العيب كان بإذنه و لكن عندما اكملت حديثها كان سوف يلطم على خديه . .
وليد :- يا نهارد اسود اثمك بثمه و ده من ايه ؟ .
العروسة بتعجب . .
العروسه :- هو ايه ده اللى من ايه ؟ .
وليد باستغراب اعتقد انها تمزح معه او حتى ترغب فى تطفيشه حتى لا تتم الزواجه . .
وليد :- ما انتى ب تتكلمى حلو ايه بثمه دى ؟ ولا انتى مش عايزه الجوازه ف بتعملى كده . .
العروسه :- بثمه ده اثمى ... آه انت قثدك على انى بنطق الثين ( السين ) ثاء اثل ( اصل ) انا لدغه فى حرفين الثين و الثاد ( السين و الصاد ) و بنطقهم ثاء . .
وليد :- يا صلاة النبى انا اللى فهمته من الوغرتمات اللى قولتيها انك لدغه فى حرف السين و الصاد و بتنطيقيم ثاء صح كده ولا انا معرفتش افكر الخريطه . .
العروسة بابتسامه . .
العروسة :- ايوه . .
تنهض العروسه و تقترب من وليد و تعطى له العصير حتى يشرب . .
العروسه :- اشرب العثير . .
و ليد ب يبعد وجهه و يخرج منديل يمسح الرازاز اللى خرج منها و هى تتحدث . .
و تحدث بضيق . .
وليد :- مش عايز زفت و ارجعى مكانك لو سامحتى . .
العروسة تنظر له ب استغراب من تصرفاته . .
العروسه :- انت مش بتحب العثير . .
وليد و هو ب يرجع إلى الخلف بعيد منها و يتحدث بنرفزه . .
وليد :- حرام عليكى يا شيخه مش ب تزفت اشرب زفت ارجعى مكانك بقى . .
ابتعد العروسة قليلاً و تناولت طبق الجاتو و عادت مرة اخرى و اقتربت من وليد ل تعطيه له . .
العروسه :- طيب خلاث متشربش عثير و خد كل حتة جاتو ثغيره خلث . .
وليد ب يرفع قدمه من على الارض و ب يقعد على الكرسى لكى يبعد وجهه بعيداً منها ، و أخذ ينادى على والدته بصوت مرتفع اجتمع عليه كل من فى البيت ل يروا لماذا يصرخ العريس هكذا . .
وليد :- يا ماماااااا . .
ب تدخل ام وليد و اهل العروسه معها و تصدم من منظر ابنها . .
ام وليد :- فى ايه ؟ و مالك يا وليد قعد كده ليه ؟ .
العروسه :- ابدا يا طنط انا كنت بديله حتة جاتو و فجأه لقيته عمل كده معرفش ليه ؟ .
ام وليد :- مالك بس يا بنى ؟ .
وليد ب يزيح العروسه و ب يذهب إلى ل امه و يمسك ب يد والدته يجذبها حتى يغادروا و لكنها ترفض التحرك . .
وليد :- يالا بينا انا مش عايز اتجواز . .
ام وليد :- مالك بس يا بنى ما انت كنت كويس و الله شكل حد عملك عمل . .
وليد و هو يهز رأسه بسرعه مؤيد لها . .
وليد :- ايوه ايوه انا واحد معمول لى عمل و منفعش فى الجواز يالا بينا بقا . .
أم وليد باستغراب من تصرفات ابنها . .
ام وليد :- بس يا بنى قولى مالك ؟ ايه حصل جننك كده . .
وليد بزهق . .
وليد :- انا عارف انك مش هتسمعى الكلام خلاص انا هخليكى تشوفى بعينك بس متقوليش انى محذرتكيش و خد المنديل ده خليه معاكى . .
ام وليد :- ليه ؟؟ .
وليد :- هتعرفى دلوقتى تعالى يا بسمه . .
العروسة اقتربت ب استغراب من تصرفات هذا العريس . .
العروسه :- نعم . .
وليد :- قولى كده الجملة دى ستى بسبستلى بسبوسه بالسمنه و العسل . .
أم وليد نظرت له بزهول مما يقول . .
ام وليد :- ايه الهبل اللى بتقوله ده يا بنى هتفضحنا وسط الناس . .
وليد :- استنى انتى بس قولى يالا يا بسمه . .
العروسه :- مش عارفه ايه التفاهه اللى انت فيها دى ؟ .
وليد :- معلش انا شخص تافه استحملينى و قولي زى ما قولت ولا هى صعبه عليكى . .
العروسه :- لا طبعا دى ثهلى اوى ثتى بثبثتلى بثبوثه بالثمنه و العثل . .
قامت ام وليد بتغطية وجهها بالمنديل الذى اعطاه لها وليد . .
أم وليد :- ايه ده ؟ .
وليد بنظر ل والدته بلوم . .
وليد :- ايه رايك ؟ .
ام وليد :- معلش يا حبيبتى انا ابنى اصله اهبل ميغركيش شكله الحلو . .
العروسة بلامبالاه . .
العروسه :- لا مش مشكله انا اثلا عجبنى و موافقه عليه . .
وليد ب يهمس ل امه . .
وليد :- اتصرفى بدل ما و الله ارمي لك نفسى من فوق السفره و جيبلكم نصيبه . .
ام وليد :- طيب طيب بس اقعد ساكت و انا هتصرف . .
وليد و هو يربع يده امام ص*ره . .
وليد :- ادينى سكت اتصرفى ياختى . .
تنظر أم وليد ل العروسة و تحاول اقناعها بالتراجع عن الموافقه . .
ام وليد :- لا مينفعش اصل .. اصل انا ابنى معمول له عمل و ب يخليه بيتصرف تصرفات مجانين ف انا ميرضنيش اكدب عليكم و انتوا شكلكم ناس طيبين . .
وكزت أم وليد ابنها ف أخذ وليد يفعل حركات هبله و مجنونه ب وجهه . .
ابو العروسة و هو يض*ب كفه على الأخر . .
ابو العروسه :- لا حول ولا قوة إلا بالله ربنا يشفيه يا حجه معلش بقى مفيش نصيب . .
ام وليد و هى تخرج و تجذب وليد معها إلى الخارج سريعاً . .
ام وليد :- يالا لله الامر من قبل و من بعد ... و هو كفايا ان اتعرفنا على ناس عسل زيكم يالا سلام عليكم . .
أهل العروسة :- و عليكم السلام . .
بعد ما خرجوا من عند العروسه أوقف وليد تا**ى و ركبوا به حتى يعود إلى البيت و وليد يحمد الله على نجاته من هذه الورطه . .
أم وليد و هى تواسيه . .
ام وليد :- معلش محصلش نصيب .. بس معلش انا هوريك واحدة انما ايه قمر تقول ل القمر قوم و انا اقعد مطرحك . .
وليد بنرفزه . .
وليد :- ولا واحدة ولا واحد اقف هنا يا سطى الله يباركلك . .
أم وليد باستغراب . .
ام وليد :- رايح فين يا واد ؟ .
وليد :- غاير فى داهيه . .
وليد هبط من التا**ى و غادر بسرعه كإن أحدهم يجرى خلفه . .
ام وليد :- ربنا يهد*ك يا ابن بطنى ... معلش يا سطى كمل طريقك . .
السائق :- ماشى يا ست الكل . .
وليد ذهب إلى أصدقائه على القهوة . .
اسلام :- ايه يا عم مالك مختفى كده من صبحية ربنا محدش شايفك . .
وليد :- اسكت يا اسلام و النبى دا انا كنت فى مشوا بن ستين فى سبعين . .
اسلام :- مادام قالب خلقتك كده يبقى امك خدتك عند عروسه من ايهم صح . .
وليد :- صح يا خويا . .
اسلام :- طيب ايه الاخبار استنى مش محتاج اسأل بين من شكلك انها اوت زى كل مرة صح . .
وليد :- صح ياخوى معاك سجارة . .
اسلام :- مش هتبطل نتانه و تجبلك علبه بدل ما كل شوية تقلبنى كده . .
وليد بسخرية . .
وليد :- ده على اساس انك بتشرب من علبة مين ؟ ما انا بشترى العلبه و انت بتخدها علشان عارف لو امى شافتها هتفتح محاضرة و مش هعرف اسكتها ف بخليها مع حضرتك هات زفت و بطل من*ده . .
اسلام :- خد ياخويا دائما فضحنى كده . .
وليد :- انت اللى فضح نفسك لازم تسمع كل مرة نفس الجملة علشان تطلع ام السجارة . .
اسلام :- طيب خلاص يا عمهم ... انت رايح خطوبه الواد محمد . .
وليد :- يا عم فكك و بعدين هى مش على الضيق احنا هنروح نعمل ايه ؟ .
اسلام :- لا ياخوى ما ابو العروسه قال لا انا عايز افرح ب بنتى الوحيد ف هيعملوا الخطوبة فى القاعه . .
وليد :- و طبعا علشان أبو العروسه يفرح ب بنته لبس محمد فى المصريف . .
اسلام :- بصراحه لا ابو العروسه رفض ياخد اى حاجه من محمد و قال هو اللى متكفل بكل اليله ايه هتروح ولا هتكنسل . .
وليد و هو يأخذ نفس طويل من السجارة . .
وليد :- هشوف و قولك . .
اما عند تقى كانت فى الجامعه مع صديقتها فاطمه فى الكافتيريا ، رأتهم اسماء بنت عمة فاطمه ف ذهبت لهم . .
اسماء :- ازيكم يا بنات ؟ .
فاطمه :- ازيك يا سمسم انتى مش قولتى مش جايه ايه النهارده ايه اللى جابك خلصتى تجهيزات الخطوبه ولا ايه ؟ .
اسماء :- لا ياختى مخلصتش و راحه اختار فستان الخطوبه ف طبعا جايه اخد بنت خالى حبيبى معايا علشان تساعدنى . .
فاطمه :- و مين قالك انى هروح معاكى و بعدين انا عندى محاضره و مقدرش اسيب تقى ل واحدها . .
اسماء :- و مين قال انك هتسيبى تقى ما هى تقى هتاجى معانا كمان يا بطوط . .
تقى :- ايه ! لا لا انا مقدرش اجى معكم روحوا انتوا و متخافيش عليا يا فاطمه يعنى مش هيخ*فونى لو رجعت لواحدى انا هعرف ادبر امورى اتكلى انتى على الله . .
اسماء :- لا طبعا انتى هتاجى معانا و بعدين هو احنا مش اصحاب ولا ايه ؟ .
تقى :- ايوه طبعا بس يعنى ا ... . .
اسماء :- من غير بسبسه انتى هتاجى معانا يالا بينا بقا متبقوش رخمين . .
تقى :- بس . ..
أسماء و هى ترسم معالم الحزن على وجهها . .
اسماء :- انتى هت**فينى هى لو كانت خطوبة فاطمه كنت هترفضى تروحى معاها . .
تقى :- لا ابدا مش قصدى طيب ثوانى هتصل ب ماما استإذن منها و اروح معاكم . .
أسماء بفرح . .
اسماء :- اشطا . .
ابتعد عنهم تقى قليلا ل تحدث والدتها و تطلب منها ان تسمح لها ب الذهاب معاهم ف وافقت والدتها و لكن على شرط الإ تتأخر ، عادت إلى الفتيات و اخبرتهم ب موافقت والدتها ، ف ذهبوا الفتيات للبحث على الفستان و بعد ما انتهوا من البحث على الفستان و هم فى طريقهم إلى البيت ، ف تحدثت أسماء ل تقى و هى توصيها . .
اسماء :- تقى هستناكى فى الخطوبه هى ماما عزمة اهلك بس انا عايزكى عندى من الصبح انتى و البت دى اشطا . .
تقى :- ان شاء الله هستأذن من أهلى و اكون معاكى بإذن الله يالا اسيبكم انا خلاص وصلت البيت سلام . .
البنات :- سلام . .
ايه رايكم فى الروايه مستانيه تعليقاتكم عليها . .
هى مش روايه هى نافيلا ف عايزه اعرف رأيكم فيها و الأحداث و ايه اكتر حاجه حبتوها فيها و مين اكتر شخصيه عجبتكم . .
ايه هيحصل مع وليد وتقى تانى ؟ .
ايه هى الخدعه ؟ .
انتظروا الفصل الجاى . .
يتبع . .
***************** . .
- Writer
