نوفيلا خدعة

الفصل الثالث

نوفيلا خدعة . .

الفصل الثالث . .

بقلمى / هدير خليل . .

ذهبوا الفتيات للبحث على الفستان و بعد ما انتهوا من البحث على الفستان و هم فى طريقهم إلى البيت ، ف تحدثت أسماء ل تقى و هى توصيها . .

اسماء :- تقى هستناكى فى الخطوبه هى ماما عزمة اهلك بس انا عايزكى عندى من الصبح انتى و البت دى اشطا . .

تقى :- ان شاء الله هستأذن من أهلى و اكون معاكى بإذن الله يالا اسيبكم انا خلاص وصلت البيت سلام . .

البنات :- سلام . .

أتى موعد حفل الخطوبه و ذهبت تقى و اهلها لحفلة خطوبه اسماء و تقى كانت مع اسماء من الصبح هى و فاطمه كانوا ب يساعدوها ف التجهيز و ذهبوا معها إلى البيتى سنتر . .

اسماء :- شكرا يا بنات على وقفتكم معايا عبال لما اتعبلكم فى فراحكم يارب . .

تقى و فاطمه بابتسامه . .

تقى / فاطمه :- ان شاء الله . .

تقى بحسرة . .

تقى :- بس و النبى يكون على واحد عدل انا من كتر العاهات اللى بشوفهم حاسه انى هتشل بدرى بدرى . .

اسماء :- بعد الشر عليك يا قلبى . .

وصلت الزفه و دخل العريس لكى ياخذ اسماء للقاعه و كان معه اصحابه ، بعد ما خرجت اسماء مع عريسها ، أخذت تقى و فاطمه يبحثوا على طريقة حتى يلحقوا بالعروس . .

تقى :- احنا هنروح القاعه ازى دلوقتى ؟ .

فاطمه :- انا قولت ل الزفت اخويا يستنانا هنا علشان يخدنا مع الزفه بس شكله مجاش و طنشنا . .

تقى :- و العمل ايه دلوقتى ؟ انا لو اتصلت ب احمد علشان ياجى يخدنا هيسوح لينا دا ان سمع التلفون أصلاً . .

فاطمه و هى تنظر حولها . .

فاطمه :- تعالى ناخد تا**ى و نروح القاعة مش هتنفع وقف*نا دى فى الشارع . .

تقى و هى تؤيدها . .

تقى :- ماشى يالا وقفي لينا واحد . .

اصحاب العريس كانوا مازالوا موجدين و رأوا تقى و فاطمه يقفون و يبحثوا عن أحد يوصلهم . .

احد اصحابه :- مش هما دول قرايب العروسه اللى قال عليهم محمد بس هو ليه مخدهمش معه ولا ما صدق ياخد عروسته و يخلع . .

الصديق الاخر :- و احنا مالنا يالا بينا . .

الصديق الاول :- و انا اقول ليه مصاحبين بعض اتارى الوطيان مأصل فينا يالا بينا ياخويا . .

مشوا أصدقاء العريس هما أيضا ، و تقى و فاطمه ركبوا تا**ى و ذهبوا إلى القاعه و عندما وصلوا القاعة و دخلوا بحثوا على أهلهم و ذهبوا لهم و جلسوا إلى جوارهم و لم يقبلوا ان يذهبوا ل اسماء الذى تشير لهم حتى يأتوا لها و لكنهم اصطنعوا عدم رأيتها ، لحظت أم تقى ذلك . .

ام تقى :- ايه يا بنات اسماء من الصبح ب تشاور ليك و انتوا ولا انتوا هنا قوموا شافوها عايزه منكم ايه ؟ .

تقى ب تهرب . .

تقى :- انا تعبانه روحى انتى يا فاطمه . .

فاطمه :- ما انا كمان تعبانه روحى انتى . .

أم تقى بتوبيخ . .

ام تقى :- ايه شغل العيال ده قوموا انتوا الاتنين يالا روحوا شوفوها يمكن محتاجه حاجه . .

نهضت تقى و فاطمه بتأفف و اتجه إلى اسماء . .

اسماء :- ايه يا جزم شغاله اشاور ليكم من الصبح و انتوا مش معبرينى . .

انفجرت بها فاطمه بغيظ . .

فاطمه :- احنا اللى جزم ولا انتى يا واطيه صدقتى ما شبطى فى درع عريسك و خلعتى و سبتينا احنا نتشندل ازى ناجى ل هنا . .

أسماء و هى تحاول اسكاتهم . .

اسماء :- وطى صوت فضحتينا الله يخرب بيتك و بعدين انا قولت ل محمد يخلى اصحابه يوصلوكم . .

تقى بسخرية لاذعه . .

تقى :- ما واطيه اتلمت على واطى مصاحب اللى اوطى منه . .

استمع لها محمد . .

محمد :- تشكرى يا زوق . .

تقى بخجل و هى تهرب من أمامهم . .

تقى :- احم انا شكل اخويا ب ينادى عليا ايوه جايه يا احمد اهووو . .

فاطمه و هى تلحق ب تقى . .

فاطمه :- انتى يا بت استنينى . .

محمد :- هما دول صاحباتك . .

اسماء :- ولا اعرفهم . .

تقى ذهبت إلى احمد اخيها و وقفت معه . .

تقى :- احمد بتعمل ايه ؟ .

أحمد و عيونه تتحرك فى كل مكان . .

احمد :- بشوف رزقى . .

تقى :- ايوه يعنى بتعمل ايه ؟ .

أحمد ب توضيح . .

احمد :- ب ساعد البنات و عرفهم طريق الحمام هنا فين ؟ .

تقى ب استغراب . .

تقى :- و فين تلقيط الرزق بقا فى اللى بتقوله ده ؟ .

أحمد و هو يكتف يده امام ص*ره بغيظ . .

احمد :- انا عارف انى مش هخلص منك عايزه ايه يا تقى ؟ .

تقى :- عايزه اعرف بتعمل ايه ؟ .

أحمد بضيق . .

احمد :- يوووه بعا** البنات يا تقى ارتحتى كده . .

تقى :- و بتقولها كده من غير ما تت**ف احنا لما نرجع البيت انا هقول بابا . .

أحمد بخبث . .

احمد :- لو قولتى ل بابا على اللى ب عمله مش هقولك على النصيبه اللى ماما بتدبرها ليكى . .

تقى بتوجس . .

تقى :- يا نصبتى اوعى تقولى ان ماما اتصاحبة على حد هنا . .

أحمد بسخريه و شماته . .

احمد :- لا اطمنى دى اتصاحبك على وحدات بس و النبى يا تقى فكرينى احنا و مروحين اشترى مخزون من الفشار علشان اللى فى البيت خلص و علشان شكلنا هنتف*ج على مسرحيات صباحى . .

تقى بزهول . .

تقى :- يا حيوان ماشى يا احمد بس نرجع البيت و انا هوريك . .

يصرخ أحمد بمرح فجأه . .

احمد :- الحقى الحقى دى شكل المسرحيه هتبدء هنا استنى يا تقى متتحركيش لغايه ما اشوف فى فشار هنا ولا لا أوعى تبدأى من غيرى . .

لم ينتظر احمد ان يسمع الرد من تقى و خرج من القاعه و هو يجرى ل يبحث على أحد يبع فشار ، اما تقى ف قد وجدت محمود يتقدم منها بهدوء على ع** تصرفات أحمد الهوجاء و الطفوليه . .

تقى بتحذير . .

تقى :- اوعى تصدمنى و تقولى ان ماما عايزنى . .

محمود بابتسامه هادئه . .

محمود :- ايوه اما فين راح احمد ؟ .

تقى بغيظ . .

تقى :- راح يجيب فشار . .

محمود انفجر فى الضحك على تؤامه . .

محمود :- ههههه هو عرف دا انتى هتبقى مسخره النهارده من احمد . .

تقى بقهر . .

تقى :- يبشرك ربنا بالخير يالا اطلع قدامى ياخويا خلينا نخلص من المصيبه دى قبل ما احمد ياجى و يسوح لى قدام الناس دا مش بعيد ياخد الميك و يفضحنى . .

ذهبت تقى مع اخيها محمود إلى والدتها و وقفت بجوارها و أخذت والدتها تعرفها على مجموعه من النساء الذى تقف معاهم . .

اما عند وليد كان جلس مع اصحابه ب ياخدوا نفسهم من تعب الرقص الذى رقصوه مع العريس . .

اسلام :- وليد امك بتشور ليك . .

وليد ينظر ل اسلام بدون ان يلتفت ل والدته ف هو كان يعطى ظهره ل والدته . .

وليد :- هى واقفه مع حد ؟ .

اسلام و هو ينظر ب اتجه والدة وليد . .

اسلام :- ايوه وقفه مع حريم .

وليد :- اعمل نفسك ميت اعمل نفسك ميت . .

اسلام بضحك . .

اسلام :- هههه مالك ياض انت اتهبلت ولا ايه ؟ .

وليد بسخريه . .

وليد :- لا لسه هتهبل مادام امى وقفه مع حريم يبقى لقيت لى نصيبه جديده تدبسنى فيها . .

اسلام باستفسار . .

اسلام :- قصدك عروسه ؟؟

وليد بقهر . .

وليد :- ايوه زفته بص انا هعمل نفسى رايح الحمام و هتسحب على باب القاعه و من باب القاعه على باب بيتنا و خليك جدع و جيب امى مع اهلك يالا سلام . .

هرب وليد من أمام اسلام قبل حتى ان يعطيه فرصة ل الرد . .

اسلام :- انت ياض خد هنا يا زفت الله يخر بيتك يا شيخ . .

ام وليد شاورت ل اسلام فضطر اسلام ان يذهب إليها . .

اسلام :- محتاجه حاجه يا طنط . .

أو وليد و هى تنظر حولها . .

ام وليد :- فين وليد راح ؟ .

اسلام و هو يحاول ان يجد حجه مقنعه . .

اسلام :- احم مش عارف بس هو بطنه كانت وجعه ف شكله راح التويلت . .

ام وليد :- ماشى . .

نظرت أم وليد ل النساء الذين يقفون معها . .

أم وليد :- دى اسلام صاحب ابنى و فى معزة وليد ابنى بالضبط سلم يا اسلام على ام تقى و ام فاطمه . .

اسلام و هو يمد يده و يسلم عليهم . .

اسلام :- اهلا وسهلا . .

ام وليد ب تهمس ل اسلام بصوت منخفض . .

أم وليد :- ايه رايك فى البنات القمرات دول . .

اسلام باستغراب . .

اسلام :- دول ل وليد هتجوزيه اتنين أد ايه انتى أم عظيمه . .

أم وليد بسخريه . .

ام وليد :- وليد ايه اللى يتجواز اتنين هو عارف يتجواز واحده علشان يتجوز اتنين انا بقول هو ياخد اللى على الشمال و انت تاخد اللى على اليمين . .

اسلام بصدمه و صوت عالى . .

اسلام :- مييييين ؟ يا ام يمين ؟ .

أم وليد :- هششش بس الله يخرب بيتك فضحتنا . .

أتى احمد و رأى اسلام ف تقدم منه حتى يسلم عليه . .

احمد :- ازيك يا اسلام ايه بتعمل هنا ؟ .

اسلام و هو يحاول ان يعود ل وقاره . .

اسلام :- احم انا صاحب العريس . .

احمد :- اه تمام . .

نظر أحمد ل تقى و تحدث بصوت مرتفع بدون ان يهتم ب من حوله . .

أحمد :- اما فين العريس اوعى تقولى المسرحيه فاتتنى و الله ازعل . .

تقى ب تهمس له بغيظ و غل . .

تقى :- اتلم يا حيوان . .

اسلام ب تأفف . .

اسلام :- مش يالا بينا يا طنط خلينا نروح . .

ام وليد :- ايوه احنا هنمشى بس لما اخد معاد من ام تقى نزورها انا و وليد امتى ؟ .

أم تقى بترحيب . .

ام تقى :- تشرفونا فى اى وقت يا حبيبتى . .

ام وليد :- خلاص نخليها على بعد بكره كده ان شاء الله . .

ام تقى :- تشرفوا ان شاء الله . .

ام وليد :- و انتى يا ام فاطمه امتى ناجي ليكم ؟ .

أحمد بزهول . .

احمد :- ايه ده انتى هتخدى تقى و صاحبتها عليها هديه . .

أم وليد و هى تضحك على ما قاله أحمد . .

ام وليد :- هههه لا يا حبيبى دا انا عايزه فاطمه ل اسلام ما هو زى ابنى برضوه . .

اسلام :- اسلام مين ؟ انا مش ابن حد انا اصلا متسول مليش أهل . .

أم وليد و هى توكزه فى ص*ره . .

ام وليد :- اسكت انت ايه قولتى يا ام فاطمه ؟ .

أم فاطمه بترحيب . .

ام فاطمه :- خلاص خليها بعد بعده يكونوا شوفتوا تقى . .

ام وليد ب سعاده . .

ام وليد :- اتفقنا يالا مع السلامه . .

سلاموا على بعض بالاحضان . .

ام وليد :- يالا يا اسلام . .

اسلام بقهر . .

اسلام :- ربنا ينتقم منك يا وليد الكلب يالا يا خالتى يالا . .

ام وليد بتحرك فمها بطريقة شعبيه و سخريه . .

أم وليد :- دلوقتى خالتى اما فين راحت طنط . .

اسلام بحسره . .

اسلام :- ما خلاص بقا . .

تحركت ام وليد و اسلام إلى خارج القاعة . .

أما عند تقى و فاطمه الذين كانوا يتابعون ما يحدث بزهول . .

تقى / فاطمه :- ايه ده ؟؟ .

أم تقى ب سعاده . .

ام تقى :- ايه هو اللى ايه ده عريس امه شافتك و طلبتك ل ابنها و حددنا معاد تتعرفوا على بعض فيه . .

تقى باعتراض . .

تقى :- هو انا هتجوز امه علشان هى اللى تختارنى اما هو ايه دوره عريس الغفله . .

ام فاطمه باعتراض . .

ام فاطمه :- ايه اللى بتقوليه ده بس يا بنتى ما هو لو مش موافق عليكى امه هتقدم ليكم ازى ؟ .

فاطمه :- لا و الله اما مين اللى كان مصدوم من شويه ده . .

أم فاطمه بمراوغه . .

ام فاطمه :- الله و فيها ايه و بعدين متحكميش عليه من غير ما تقعدى معه مش يمكن يطلع كويس يالا بينا ابوكى ب يرن من الصبح علشان نطلع له يالا قدامى . .

ام تقى :- و احنا كمان يالا . .

تحرك الجميع و نظر محمود ل تؤامه ف وجده يأكل و هو يتابع ما يحدث ب سعاده . .

محمود :- انت بتاكل ايه ؟ .

أحمد بضيق . .

احمد :- ده لب اصل ملقيتش فشار ف ضطريت اجبت لب و خلاص اسالى به نفسى . .

تقى بغيظ . .

تقى :- تصدق انت معندك دم . .

أحمد ببرود و استفزاز . .

احمد :- ليه يعنى ؟ و بعدين المفروض انك تكونى اتعوتى يالا بينا و يبقى نشترى فشار علشان مسرحيه بعد بكره علشان الفشار اللى فى البيت خلص مع اخر عريس . .

عند وليد عندما وصلت والدته إلى البيت اخذت تلومه و تعاتبه على ما فعل . .

ام وليد :- كده يا وليد بتسيبنى فى الفرح و تمشى . .

وليد :- ما انا عارفك يا ماما اكيد هتلبسينى فى بلوه بتاعت كل مرة ف خلعت من اولها احسن . .

أم وليد بفرح . .

ام وليد :- لا ما انا خدت معاد مع الناس و هنروح ليهم بعد بكره . .

وليد بزهول و اعتراض . .

وليد :- ده مين اللى رايح ؟ انا مش متحرك من مكانى . .

ام وليد بأصرار . .

ام وليد :- و انا قولت هتروح مش بعد العمر ده كله تطلعنى عيله قدام الناس . .

وليد باعتراض . .

وليد :- بس .. ...

ام وليد لم تنتظر أن تسمع رده و تركته و دخلت ل غرفتها لكى تنام اما وليد وجد تليفونه يرن و كان المتصل هو صديقه اسلام . .

وليد :- الو . .

اسلام و هو يصراخ به . .

اسلام :- الو يا برودك ياخى ربنا يخدك يا وليد و ارتاح من صاحبيتك المهببه دى يا شيخ . .

وليد :- فى ايه يا حيوان ؟ خرمت لى ودانى . .

اسلام بغيظ . .

اسلام :- كمان بتشتم و مش عجبك يا رب تولع يا شيخ و انا هتف*ج عليك و مش هطفيك . .

وليد بتحذير . .

وليد :- تعرف تتكلم زى البنى آدمين ولا اقفل التليفون فى وشك فى ايه مخليك شايط كده . .

اسلام :- فى ان امك سيادتك دبستنى فى عروسه بعد ما زنة على امى و اهى من ساعتها و هى مش عايزه تنزل من على ودانى و بتقنع فيا اغور اشوف الهبابه . .

وليد بعدم فهم . .

وليد :- انا مش فاهم حاجه قولى ايه حصل ؟ .

اسلام حكى ل وليد كل الذى حدث فى الفرح بعد أن غادر . .

وليد يضحك بغيظ من تصرفات والدته . .

وليد :- هههههه يعنى انا وانت هناخد واحدة و صاحبتها لا و كمان اخت احمد دى اكيد فيزاتها ض*به بدرى بدرى . .

اسلام :- انت بتضحك بص انا مليش دعوة انا واحد مش بتاع جواز اخر معا**ات غير كده يفتح الله شوفى لى صرفه فى التدبيسه دى بدل ما اقتلك . .

وليد بسخريه . .

وليد :- مش لما القى لنفسى الأول بس متقلقش انت اكيد هتلقى فيها عيب امسك فيه و هتخلع من الموضوع ما هى امى عمرها ما بتجيب حاجه عدله اسألنى أنا . .

اسلام بتوتر . .

اسلام :- انا قلبى مش مطمن بس ربنا يستر يالا اسيبك انا سلام . .

وليد :- سلام . .

مر اليوم التالى عادى بدون احداث حتى أتى يوم مقا**ه وليد و تقى ، بعد روتين كل مقا**ه بتحصل بين الاهل جاء وقت ان تجلس تقى و وليد مع بعض قليلاً ل الحديث معاً و لكن قبل ان يخرج أحمد قال لهم . .

احمد :- لما لماتش يسخن نادوا عليا انا رايح اجهز الفشار . .

رمقته تقى بغيط و عيون مشتعله . .

حمحم وليد ل جذب انتباه تقى له . .

وليد :- احم ازيك يا آنسه ... .

تقى بغيظ . .

تقى :- اسمى تقى ولا جاى ل واحدة مش عارف اسمها . .

وليد بابتسامه بسيطه و مكر . .

وليد :- لا طبعا عارفه بس انا حبيت اسمع صوتك ولا انتى عايز تحرمينى من انى اسمع صوت الكروان . .

خجلت تقى من مغزلته و **تت اما وليد ف اكمل حديثه . .

وليد :- هو انتى فى كليه ايه ؟ .

تقى بخجل . .

تقى :- كليه تربيه فى سنه تلاته . .

وليد :- حلو انا بقى مهندس معمارى و بشتغل فى شركة سنى دلوقتى 30 سنه عايش مع امى ، بابا متوفى من 10 سنين و انا وحيد ، انتى بقا مش هتعرفينى على نفسك ولا ايه ؟ .

تقى :- احم ... انا البنت الوحيده معايا اخين احمد و محمود فى كليه تربيه سنى 21 سنه . .

ظل وليد و تقى يتحدثون مع بعض ما يقرب النصف ساعه حتى قطع عليهم حديثهم دخول أحمد و هو يجلس على أحد المقعد و يمسك طبق ملئ بالفشار و هو ينظر لهم ب زعل . .

أحمد :- انتوا ليه اتاخرتوا . .

وليد باستغراب . .

وليد :- اتاخرنا على ايه ؟ .

أحمد بحزن . .

احمد :- ليه مفيش زعيق ولا اخناق ده الفشار برد . .

وليد بضحك على شكل أحمد الطفولى . .

وليد :- هههه لا متقلقش شكلك مش هتاكل فشار تانى . .

نهض احمد مفزوع من مكانن ف طبق الفشار سقط منه على الأرض . .

احمد :- ااااااايه ؟؟ .

الكل دخل على صوت احمد و رأوا منظر الفشار فى المسكوب على الارض و شكل احمد المفزوع . .

ام تقى بقلق . .

ام تقى :- فى ايه يا أحمد ؟؟ .

أحمد و هو على وشك البكاء . .

احمد :- الحقى يا ماما ده بيقول مش هاكل فشار تانى . .

ابو تقى بغيظ من تصرفات ابنه الطفوليه . .

ابو تقى :- انت اتهبلت ايه اللى بتقوله ده يا غبى ؟ .

أحمد بحزن واضح . .

احمد ( بزعل ):- ده بيقول انه هو و تقى متفهمين و هيتجوزوا . .

ام تقى باستغراب . .

ام تقى :- و انت زعلان ليه يا متخلف . .

تركهم أحمد بدون ان يجيبهم و يدخل غرفته و هو حزين و لم يفهم أحد ماذا حدث له و لما كل هذا الحزن . .

وليد تحدث مع ابو تقى و قال له انه ينتظر رد تقى و لو تمت الموافقه سوف يحددوا موعد الخطوبه غادر وليد و معه امه بعد أن طلب ابو تقى أن يعطيهم اسبوع فرصه لتفكير و بعدها سوف يرسلوا لهم الرد ، اما تقى ف دخلت غرفة احمد ف وجدته يجلس حزين . .

تقى :- مالك يا ابو حميد زعلان ليه انت مش فرحان لي انى هتجوز . .

احمد :- لا مش فرحان . .

تقى بحزن . .

تقى :- يعنى انت مش مبسوط لي و كنت فرحان فى اللى بيجولى دول . .

أحمد بزعل . .

احمد :- ايوه علشان كنت عارف انهم مش هيخدوكى منى لكن انتى عايز تسيبينا و تروحى مع واحد متعرفيش عنه حاجه . .

تقى :- يعنى انت زعلان علشان هسيبكم

احمد هز راسه بالموافقه . .

تقى :- ولا تزعل نفسك خلاص انا هرفضه و اقعد جنبك . .

احمد بصراخ ب سعادة و هو يحتضن أخته بحب . .

أحمد :- بجد هيييييي . .

دخلت أم تقى على صوت صياح احمد . .

ام تقى :- فى ايه ؟ .

أحمد ب سعاده . .

احمد :- تقى مش هتجواز . .

ام تقى و هى تض*ب يدها على ص*رها . .

ام تقى :- يا نصيبتى ليه يا بنتى ؟ ما الراجل ابن حلال و مفهوش عيب عايزه ترفضيه ليه بس ؟ .

احمد باعتراض . .

احمد :- مش مهم اهم حاجة انه مش هيخدها منى . .

ام تقى بتفهم . .

ام تقى :- يعنى انت السبب طيب دلوقتى هتخليها ترفض العرسان و تقعد جنبك و بعدين انت لما تجواز و اخوك يتجواز و احنا نموت هتقعد مع مين ؟ هتسيبها ل واحدها فى الدنيا ولا حد يدور عليها . .

احمد و هو يشدد على احتضنه ل اخته . .

احمد :- لا هخدها معايا . .

ام تقى و هى توضح له ف هى تعلم مدى طيبة قلب أحمد ف من يتعامل مع لا يقول انه شاب فى الثانويه العامه بل هو طفل صغير يحتفظ ب برائته . .

ام تقى :- و هى يعنى مراتك هترضى و بعدين زى ما انت عايز تجواز و تشوف عيالك هى كمان زيك عايزه تشوف عيالها و يكون لها بيت . .

أحمد بتردد . .

احمد :- خلاص تجوازه بس لو بعدها عنا لطلقها منه هااا . .

تقى :- مين بس اللى يقدر يبعدنى عنكم انا مفيش حاجه فى الدنيا تبعدنى عن ابو حميد حبيبى . .

احمد :- حبيبتى يا تقى ... يالا افكر فى طريقه تانى اسالى بها نفسى ما انا لسه معايا فترة خطوبه . .

مر اسبوع و قام والد تقى ب ارسل الرد إلى وليد بالموافقه . .

يا ترى ايه اللى هيحصل بين وليد و تقى ؟ .

يا ترى كده خلصت متعة أحمد ؟ .

ياريت تتفاعلوا مع الرواية و تقولوا رأيكم فى الاحداث و الأبطال . .

انتظروا الفصل الجاى . .

يتبع . .

***************** . .