Irene
Bakit nga ba kailangan may maghirap para sa ikasasaya ng iba? Bakit kung minsan, sa tuwing ikaw ang masaya minamasama nila? Hindi ba maaari na maging masaya ka para sa iba? Hindi ba maaaring wala nang tao ang humusga sa kapwa?
Sa mga bagay na aking pinagdaanan. Doon ko napagtanto na hindi sapat ang hindi lumaban. Hindi dapat na dalasan ang pagiging mabait, mapagpakumbaba, at pagiging martir, dahil ang lahat ay may hangganan. Lahat ay may dulo at napuputol din ang pisi ng ating pasensya, kaya hangga't kaya nating intindihin ang mga tao sa ating paligid, gawin mo. Ngunit huwag masiyadong abuso.
***
Mariin akong napapikit nang maramdaman ang unti-unting pagkamanhid ng aking mga paa. Hindi ko alam kung ano ang nangyari sa akin at kung nasaan ako, ngunit sa mga bagay na aking naaamoy
