Irene
Mabilis ang t***k ng aking puso habang minamasdan ang paggapang ng dilaw na likido sa hawak kong pregnancy kit.
Halohalong kaba at saya ang bumabalot sa aking puso sa kung ano man ang magiging resulta ng bagay na ito. Kinakabahan dahil hindi ko alam kung tama ba na magkaroon ako ng anak kay Third, ngunit sa kabilang banda ay masaya dahil mabibigyan ko siya ng isang supling na matagal na niyang hinihiling.
Ano ka ba, Irene? Hindi mo siya asawa. Ano naman ang karapatan mo upang bigyan siya ng supling?
Tila naputol ang mga bagay na aking iniisip nang mapagtanto ko ang bagay na iyon.
Oo, tama. Ano ang aking katapatan na angkinin ang bagay na hindi sa akin? Paano kung magbunga ang aking pagpapanggap? Hindi ba mas mahihirapan lang ang aking kalooban na ipagtapat kay Third ang lahat? H
