Irene
"Alam nyo bang maaari naming ipasara ang ospital na ito kung hindi kayo magsasabi ng totoo?" galit na wika ng pulis na ngayon ay nakaharap sa mga doktor at nurse rito sa ospital.
Nililibot ko ang aking paningin sa paligid at patuloy na hinahanap si Third, ngunit ayon sa mga doktor, walang naka-confine rito na nagngangalang Third Montenegro, kaya naman galit na galit ang mga pulis dahil sa pagsisinungaling nila.
Isang hakbang ang aking ginawa at buong tapang na humarap sa mga doktor na nasa aking harapan.
Nilagay ko ang aking kamay sa dibdib na animoy tinuturo ang sarili.
"Ako si Irene Cristobal. Ako ang fiancé ni Third Montenegro. Kung hindi nyo sasabihin ang totoo, ako na mismo ang magpapasara sa ospital na ito," pananakot ko sa kanila. Nakita ko naman ang panginginig ng mga
