NAPAMATA si Jhen nang mapansin ang lolo niya na kumawala sa kamay ni Devey, habang inilalabas ito sa kulungan. Bigla na lang nito sinugod si Asha, subalit sa kasamaang palad ay tumulos sa dibdib nito ang galamay ni Asha.
“Lolo!” sigaw niya.
Kumilos ang lahat ngunit may naglabasang maliliit na insekto mula sa bitak ng lupa at patungo sa kanila. Naudlot ang pag-iyak ni Jhen nang bigla siyang buhatin ni Leandro. Mabuti na lang mabilis na pinapasok ni Marco ang tubig saka ginawang yelo. Nagyelo ang sahig, ngunit unti-unting nilalamon ng lamig ang paligid. Pero nakalutang pa rin sa ere si Asha habang gapos ng galamay nito si Zack. Nakalutang din silang lahat.
Nang sipatin ni Jhen ang lolo niya ay tuluyang lumaya ang luha niya nang makita itong naliligo sa sariling dugo at nabutas ang dibdib
