Kabanata 100
Pagkatapos nilang magyakapan na dalawa ay agad din naman na silang bumalik ni Merna sa kanilang ginagawa.
Mabuti na lang talaga at alam na ni Merna ang ugnayan niya kay Jefferson. Bawas kunsensiya na iyon para sa kanya. May karamay na siya kung sakali mang ma-badtrip na naman siya.
TANGHALI na nang biglang tumunog ang kanyang cellphone. Nag-vibrate lang naman pero dinig na dinig niya ito. Hinugot sa bulsa ang kanyang cellphone. Text message lang pala ito mula kay Laurenzo.
"Oh? Sino iyan?" usisa naman ni Merna sabay tingin sa kanyang cellphone screen.
"Pinapatawag ako ni Laurenzo sa itaas."
"Ows? Baka naman sasabihin niya sa iyo itong tungkol sa team building natin." Kumikit-balikat naman siya.
"Hindi ko alam. Wala naman siyang ibang sinabi."
"Puntahan mo na. Bak
