Dahil hindi siya mapakali ay lumabas siya ng condo unit para puntahan ang ama. Paniguradong sa Doña Feliza Hospital dinala ang Daddy niya—iyon ang pinaka-malaking ospital sa bayan ng San Miguel.
Wala siyang pakialam kay Liam. Magalit na ito hanggang gusto nito. Sino ba ito sa tingin nito para hintayin niya? Nais na niyang malaman ang kalagayan ng Daddy niya. Hindi siya pwedeng maghintay na lang ng balita galing kay Liam. Kahit ayaw ni Liam at paniguradong magwawala iyon pag nakita nitong wala siya sa condo niya, hindi siya nito mapipigilan. Aalamin niya ang kondisyon ng ama. Magwala na ito kung gusto nito.
Pagdating sa Doña Feliza Hospital, naglakas-loob siyang pumasok sa loob. Nagsuot siya ng hoodie at itim na facemask para kahit papaano hindi siya mamukhaan. Lumapit siya sa information
