Kinabukasan, pagmulat niya ng mga mata, wala sa tabi ang asawa.
Napabalikwas siya ng upo para hanapin ito.
Nakahinga siya nang maluwag nang makita si Liam sa maliit na kusina ng condo niya. Napangiti pa siya habang pinagmamasdan ang asawang walang damit pang-itaas. Naka-hang lang sa hips nito ang pantalon.
Napagatlabi pa siya habang nakasunod ang mga mata sa malapad na likod nito at magandang hugis ng bewang. Naghahanda ito ng almusal para sa kanilang dalawa. At ang sarap nitong panoorin. Ang sarap nitong tingnan habang nagluluto.
Napakaswerte talaga niya at may asawa siyang tulad ni Liam.
"Good morning," bati niya sa asawa na agad napalingon sa kanya. Sumilay sa gwapong mukha nito ang malapad na ngiti.
"Good morning, sweetheart," bati nito sa kanya. Binitiwan nito ang hawak na
